Skip to content

← Writing

faith

Pagbantay Batok sa mga Peke nga Propeta

· Jerwin Arnado

Preached at the Victorias worship service, October 5, 2025.

“Mag-andam kamo sa indi matuod nga mga propeta. Nagapalapit sila sa inyo nga daw sa mabuot nga mga karnero, pero ang matuod pareho sila sa mabangis nga mga ido. Makilala ninyo sila paagi sa ila mga buhat… Ang maayo nga kahoy nagapamunga sang maayo. Pero ang malain nga kahoy nagapamunga sang malain… Gani ang indi matuod nga mga propeta makilala ninyo sa ila mga buhat.” — Mateo 7:15–20

Main idea: Ang mga manalagna nga malimbungon nagapanago sa porma sang pagkamatinoohon, pero ang ila mga bunga nagapakita sang ila matuod nga pagkatawo. Si Jesus nagatudlo nga dapat bantayan naton ang ila ginabunga kag indi lang ang ila hitsura.

I. The Danger: False Prophets in Disguise

  • Naga-angkon nga manalagna pero wala ginpadala sang Dios.
  • Naga-angkon nga mga karnero pero sa sulod mga lobo.
  • Ginagamit ang hitsura sang pagkamatinoohon agud makapanginto.

Supporting verse: 2 Corinto 11:13–14 — “Ina nga mga tawo indi matuod nga mga apostoles, kundi mga manugdaya kag nagapakuno-kuno lang nga sila mga apostoles ni Cristo. Kon sa bagay, indi katingalahan ina. Kay bisan gani si Satanas nagapakuno-kuno nga anghel sang Dios nga nagahatag sang kasanag.”

II. The Test: Fruits Reveal the Truth

  • Si Jesus nagsiling: “Makilala ninyo sila paagi sa ila mga bunga.”
  • Ang bunga nagarepresentar sang ila ginabuhat kag kabuhi.
  • Indi makuha ang ubas sa tunukon nga kahoy-kahoy, ukon ang higos sa sapinit.
  • Ang ginapamunga nagapakita sang matuod nga pagkatawo.

Supporting verse: Santiago 2:18 — “Ipakita sa akon ang imo pagtuo nga wala sing mga buhat, kag ipakita ko sa imo ang akon pagtuo paagi sa akon mga buhat.”

III. The Judgment: The End of Fruitless Trees

  • Ang malain nga kahoy indi makapamunga sing maayo nga bunga.
  • Ang resulta: ginatapas kag ginahaboy sa kalayo.
  • Ang katapusan sang mga manalagna nga malimbungon amo ang paghukom sang Dios.

Supporting verse: Juan 15:6 — “Ang tawo nga indi nagapabilin sa akon pareho sang sanga nga ginahaboy kag nagakalaya; ginatilipon ini, ginahaboy sa kalayo kag ginasunog.”

Practical Application

  • Magbantay sa mga panudlo nga wala naga-angot sa Pulong sang Dios.
  • Indi lang pamatian ang mga pulong; tan-awa ang ginabunga sang ila kabuhi — kon ano ang ila ginahimo pagkatapos sang simba.
  • Ang matuod nga alagad sang Dios makilala sa pagkamapainubuson, pagkamapisan, kag pagpamunga sang Espiritu.

Conclusion

Ang pagpakita sang pagkamatinoohon indi bastante; kinahanglan nga ang kabuhi makapamunga sing maayo nga bunga. Si Jesus nagasiling: “Makilala ninyo sila paagi sa ila mga bunga.”

Reflection Questions

  1. Paano ko makilala ang matuod nga alagad sang Dios kontra sa malimbungon?
  2. Ano ang ginapamunga sang akon kabuhi subong?
  3. Nagapakita bala ang akon kabuhi sang bunga sang Espiritu (Galacia 5:22–23)?